上回講到,有研究話學樂器對🧠腦部發展「棒棒噠」,今次話畀大家知,原來係要至少學⚠️*2年*先得出咁嘅效果!腦部發展有正面影響,你話係咪等於醒啲?🪖見人見智喇!
綜合唔同研究,除咗⏰持續嘅時長,仲話樂器班最好係以1:1形式(最多1:6)、每星期一堂,而🗣唱歌並唔係樂器嘅一種,要涉及🎹彈奏、吹奏等先算係啊!始終演奏樂器要四肢、腦並用,就等於處於multi-tasking🤹🏻嘅狀態,對組織能力、執行力等,感覺的確有啲幫助。
至於要幾歲開始學最有效果呢👍🏻?其實文章並無提及一個確實數字,只係話「越早越好」,即係點先🤔?文章入面寫,至少係要到一個能「駕馭一件樂器」嘅年齡就較適合… (💭你話,如果媽媽當初早啲畀我接受音樂嘅薰陶🪗,或者小編可能係「未學行,先學樂器」嘅代表人物,又唔知而家個腦會唔會發展得好到… 真係又醒又係天才呢🏆…?呵呵💥👋🏻)!不過,家長們最重要嘅,都係注意👶🏻小朋友嘅成長發展,過份催谷反而未必有正面效果!
雖然以上研究,主要關於🎷學樂器同腦部發展,但亦可表達🎼音樂作用於身體嘅效果,間接證明音樂唔係純粹🎧聽同演奏咁簡單!希望社會可以早日對音樂治療有更多影響,用音樂影響生命。
如果有任何關於音樂治療嘅問題,歡迎留言或inbox我哋!