玩音樂比您想像更輕鬆?源自瑞典嘅「伴你音樂」

你哋有無試過學樂器呢?小編自問無乜天份,細個學琴成日都覺得自己手腳唔協調,睇譜睇到懷疑人生!但話哂真係好鍾意音樂,咁又試下學結他,點知㩒Chord㩒到手指起泡,真係怕怕!有時日練夜練只為彈到一首喜歡嘅歌,唔通真係咁難?

直到有一日…… 我發現咗「Bunne結他」!

呢支結他嚟自瑞典,實木製造,非常硬淨!個樣就好似迷你版嘅木結他咁,彈出嚟啲聲一樣咁清脆動人。原來想當年,瑞典音樂教育家 Sten Bunne 見到市面上欠缺包融度高嘅樂器,所以特別設計咗呢款結他,無論係小朋友、大人、長者或有特別需要嘅朋友,想點彈點玩都無問題!

簡單介紹返「Bunne結他」可以平放或者拎住玩,主要有4條弦線,亦有四隻顏色標示四個Chord,分別為 E、G、D、A。除了 E Chord 要用一隻手指輕按弦線,其他 Chord 只須擺動紅色控制桿,用特製結他撥片即能奏出音樂。好多兒歌和流行曲都彈到㗎!

即刻 Click圖放大嚟睇!

IMTC作為良心社企,有幸將伴你音樂 (Bunne Music) 帶到香港,過往曾舉辦兩屆「瑞典兒童音樂導師認證課程」,而且大獲好評!課程幫助幼稚園老師、社福界朋友和音樂導師學習「伴你音樂教學法」,輕輕鬆鬆就可以將現場音樂 (Live Music) 融入於日常工作,促進與小朋友嘅互動交流。

下篇Blog我哋一齊睇下佢哋上堂嘅實況和參加者感想啦!

想再知多啲……

即刻瀏覽「伴你音樂」專頁:
https://www.imtc.com.hk/bunnemusic/