即睇第二屆上堂實況！Bunne音樂點樣幫到學員工作？

過往兩屆嘅「伴你音樂教學法」瑞典兒童音樂導師認證課程，學員們來自不同界別，有幼稚園老師、特殊幼兒工作員👩🏻‍🏫、結他手🎸、遊戲治療師、心理學系學生等等。

好開心Bunne音樂可以幫到佢哋嘅工作 💕 即睇以下影片 🎬 聽下註冊遊戲治療師Celia和幼稚園老師 Ms. Fung嘅分享，看看第二屆上堂實況啦！

仲有更多學員分享：

從未諗過可以實現當「音樂導師」嘅夢想！
Cecilia – 言語治療師 💁🏻‍♀️

「參加咗Bunne音樂導師課程，驚訝自己竟然可以實現當音樂導師的夢想。不懂結他和不精於任何一件樂器的我（除咗自己把聲），上完堂之後可以有信心及技巧教小朋友彈結他。見到每一位小朋友10分鐘內已經學得識，而且很享受彈奏Bunne結他。課程導師豐富的幼兒及音樂治療經驗感染著每一位參加者，使我們能帶著同理心去當一個音樂導師。」

除咗小朋友，Bunne結他仲可以用喺…?
Rebecca – 註冊音樂治療師 🎵

「學咗用Bunne結他之後，我試過用喺不同嘅治療對象，覺得無論對治療師或者受助者嚟講都好有幫助。

我以前都會引導受助者彈普通結他，但係有啲client冇乜力，或者唔方便用手指撥弦，彈嗰陣會比較細聲。之前我喺兩個小組入面，分別嘗試同自閉症成人和智障人士用Bunne結他，將樂器放喺client嘅大脾，由我幫佢控制轉chord。

Bunne結他pick（撥片）比較大塊，容易捉實！佢哋自己拎住塊pick去撥弦，好快就彈到有聲，過程中佢哋更開心、更有動力繼續彈。由於所發出嘅聲音比較清脆，所以無論係彈緊嘅人，定係其他小組成員都好容易被結他聲吸引，更加鼓勵到大家參與，有更多互動交流。

對於治療師來講，我哋都希望幫助client搵一啲佢哋容易彈到嘅樂器，令佢哋喺彈到嗰陣獲得滿足感和成功感，從而鼓勵佢哋繼續參與，提升佢哋嘅自信心。除此之外，治療師本身亦可以用Bunne結他同client合奏，唔好睇少得四個chord，好多歌都可以彈到架！」

———————————————