不過，並唔係乜嘢歌都有效，因為研究入面嘅音樂，都係經研究人員、音樂治療師作曲或改編。其中，研究人員將父母最愛嘅歌曲，改編成舒緩嘅純音樂，並將原來歌詞變成「BB名」同「啊」之類哼唱。

–

研究亦顯示，現場演奏或演唱嘅音樂，會較錄製好，可以適應不斷變化嘅環境之餘，仲幫助BB減緩心跳、平靜呼吸、改善吮吸等！

–

早產BB身體脆弱，即使瞓氧氣箱，唔多唔少都會受外界刺激，如開關門聲、來來往往嘅查房聲、警報聲等，無形對BB造成部分影響。

–

外國有唔少醫院，都已經為早產BB進行音樂治療，而香港喺呢方面嘅發展相對慢，衷心希望可以有更多人認識音樂治療呢！如果有任何關於音樂治療嘅問題，歡迎留言或inbox我哋！